यो सिजन क्लब आएका बात्सुईले जिताए चेल्सीलाई प्रिमियर लिगको उपाधि

Published: May 13, 2017 | 6:21 am | शनिबार, बैशाख ३०, २०७४ | ३६६८ पटक पढिएको

काठमाडौँ । चेल्सीले इन्ग्लिश प्रिमियर लिग फुटबलको उपाधि जितेको छ । लिग अन्तर्गत शुक्रबार राति भएको खेलमा वेष्ट ब्रोमलाई १–० ले हराउँदै चेल्सीले दुई खेल अगावै प्रिमियर लिगको उपाधि जितेको हो ।

4040381E00000578-4501326-Chelsea_skipper_John_Terry_is_thrown_into_the_air_after-m-59_1494625078755

वेष्ट ब्रोमको घरेलु मैदानमा भएको खेलमा चेल्सीलाई जिताउन यसै सिजन क्लब आएका मिसी बात्सुईले निर्णायक गोल गरे । पहिलो हाफमा गोल रहित बराबरीमा सकिएको खेलको ८२ औं मिनेटमा बात्सुईले गोल गर्दै चेल्सीलाई उपाधि दिलाए । बात्सुई सबस्टिच्युड खेलाडीको रुपमा मैदान आएका थिए ।  चेल्सीलाई उपाधि दिलाउन महत्वपूर्ण भूमिका खेलका बात्सुई यो सिजन फ्रान्सेली क्लब मार्सेइलीबाट चेल्सी आएका हुन् ।

4040655B00000578-4501326-image-a-130_1494630492763

यो सँगै चेल्सीले  पछिल्लो तीन बर्षमा दोस्रो पटक लिगको उपाधि जित्न सफल भयो । चेल्सीले सन् २०१४/१५ को सिजनमा पनि उपाधि जितेको थियो ।  जितपछि लिगका दुई खेल रहदा च्याम्पियन बनेको चेल्सीले ८७ अंक जोडेको छ । दोस्रो स्थानमा रहेको टोटनह्यामको तीन खेल बाँकी हुँदा ७७ अंक छ ।

4040415400000578-4501326-image-a-85_1494627241493

३६६९ Total Views ६ Views Today

Comments