एनआरएनए महिला संयोजकमा जेजूबाट शुभद्रा पालुङवाले उमेद्वारी घोषणा

Published: August 30, 2019 | 1:51 pm | शुक्रबार, भदौ १३, २०७६ | ११०३ पटक पढिएको

आगामि सेप्टेम्बर २१ र २२ तारिख हुने एन आर एन ए दक्षिण कोरियाको महिला संयोजकमा ‘साझा एनआरएनए सबल एनआरएनए’ भन्ने नाराका साथ जेजूबाट शुभद्रा पालुङवाले उमेद्वारी घोषणा गरेकी छिन् ।

 

 

विगत लामो समयदेखि जेजूदोमा रहेका नेपालीहरुको सुख दुखमा साथ दिदै विभिन्न सामाजिक क्षेत्रमा सक्रिय शुभद्रा कोरियाको एनआरएनएमा महिला सहभागिता कम हुनुको साथै राजधानी केन्द्रित मात्र हुने भएकोले पनि आफुले उमेद्वारी दिएको बताइन् । विगतका वर्षहरुमा एनआरएनएको कार्यशैली त्यति उपलब्धिमूलक नरहेको तथा मजदूरमूखी नभई व्यापारमूखी मात्र देखिएकोले पनि उनले उमेद्वारी दिएको बताइन् ।

 

 

जेजूमा रहेका नेपाली मजदूर, विद्यार्थी मात्र नभई विभिन्न भिषामा बसेका हरेक नेपालीहरुको समस्या, हकहित र अधिकारका लागि सदैब आवाज उठाउदै र सहयोग पुर्याउदै आएकी शुभद्रा सामाजिक काम गर्नको लागि कुनै संघ संस्थामा लाग्नु पर्छ भन्ने मान्यता राख्दिनन् तर विगतमा देखिएको एनआरएनए भित्रको विकृति र विसंगतिलाई चिर्दै हरेक नेपालीको साझा संस्थाको रुपमा व्यवस्थित तरिकाले अगाडि बढाउने उद््ेश्यले उमेद्वारी दिएको प्रस्टाउछिन्। भन्छिन्, ‘यो पटकको एनआरएनको चुनावमा राम्रो नेतृत्व गर्न सक्ने, कोरियामा रहेको प्रवासी नेपालीहरुको हकहित र मजदूरहरुको समस्यालाई सम्वोधन गर्न सक्ने व्यक्तिहरु आउनुपर्छ । एनआरएनए आसन र भाषणमा मात्र सिमित हुनु हुन्न । ‘  कोरियामा रहेका सम्पुर्ण नेपाली दाजुभाइ तथा दिदि बहिनीहरूले अमुल्य मत दिइ बिजयी बनाइदिनु हुन पनि उनले अनुरोध गरेकी छिन् ।

११०४ Total Views ३ Views Today

Comments